04.09.2019

Sabirabadda sentyabr konfransı keçirilib

Sabirabad şəhər Heydər Əliyev Mərkəzində Sabirabad, Saatlı və İmişli rayonlarının təhsil işçilərinin sentyabr konfransının plenar müşavirəsi keçirilib.

Müşavirədə Təhsil Nazirliyinin Ümumi və məktəbəqədər şöbəsinin sektor müdiri Firidun Həmzəyev, Sabirabad rayon İcra Hakimiyyətinin başçısı Siracəddin Cabbarov, Sabirabad, Saatlı və İmişli rayonlarının təhsil şöbələrinin müdirləri, məktəb direktorları və təhsil işçiləri iştirak ediblər.

Konfransda sözügedən rayonların təhsil şöbələrinin müdirləri 2018-2019-cu tədris ilinə dair hesabatla geniş çıxış ediblər.

Təhsil Nazirliyinin Ümumi və məktəbəqədər təhsil şöbəsinin sektor müdiri Firidun Həmzəyev çıxış edərək hesabatlara öz münasibətini bildirib. Firidun Həmzəyev təhsil sahəsində bu ildən tətbiq olunan yeniliklər və perspektiv məsələlərdən danışıb.  Firidun Həmzəyev bölgələrdə yeni açılması nəzərdə tutulan lisey siniflərə uşaqların cəlbi, eləcə də məktəbəhazırlıq qruplarına qəbulla bağlı tövsiyələrini verib.

Firidun Həmzəyev çıxışının sonunda təhsil işçilərinə yeni tədris ilində uğurlar arzulayıb.

Sonda 2019-2020-ci tədris ilinin prioritet məsələləri haqqında fikir mübadiləsi aparılıb.


Açar sözlər: ,  ,  ,